İranlı ekspert Əhmədrza Cəlali bildirib ki, Azərbaycan ərazisində ABŞ-ın F-35 qırıcı təyyarələri yerləşdirilə bilər və Tehranın Təcriş meydanına zərbənin Şimaldan – Azərbaycan hava məkanından endirilməsi ehtimalını istisna etməyib.
Cəlalinin məlumatına görə, Bakıda bir turist aviaşirkətin bazasında iki eskadrilya ABŞ F-35 qırıcı təyyarəsi yerləşdirilib.
Ekspert qeyd edir ki, əgər Tehranın Təcriş meydanına həqiqətən də zərbə endirilibsə, deməli təyyarələr İranın hava məkanına Şimaldan – Azərbaycan, Xəzər dənizi, Elburz və Kərmənin Şimalı istiqamətindən paytaxta doğru marşrutla daxil olublar.
“Bu, Şimal hava dəhlizinin zəifliyinə və üçüncü ölkələrin, o cümlədən Azərbaycanın, İrana qarşı mümkün təxribat ssenarilərində iştirakına işarə edən narahatedicı siqnaldır” – deyə ekspert vurğulayıb.
Bundan əlavə, Cəlali baş verənlərin diplomatik aspektlərinə diqqət çəkib. Onun sözlərinə görə, İran prezidentinin xarici liderlərlə, xüsusilə Azərbaycan Prezidenti İlham Əliyevlə görüşlərində davranışı arzulanan səviyyədə deyil.
“Hətta təyyarənin trapından çıxmaq, əl sıxmaq, mimika və mətbuatla ünsiyyət kimi detallarda belə prezident beynəlxalq protokola ciddi şəkildə əməl etməlidir”.
Cəlalinin fikrincə, hazırkı çətin vəziyyətdə nə emosional jestlər, nə də qeyri-müəyyənlik nümayişləri qəbuledilməzdir.
“Təəssüf ki, cənab Prezidentin davranışı peşəkarcasına olmayıb. Onun diplomatik addımlar atmaq səyinə baxmayaraq, nə onun siyasi ofisi, nə də Xarici işlər nazirliyi ona lazımi hazırlığı təmin ediblər” – deyərək ekspert yekunlaşdırıb.
