Parlamentdə təmsil olunmayan Ermənistanın “Respublika naminə” partiyasının lideri Arman Babacanyan bildirib ki, Azərbaycan prezidenti İlham Əliyev və Türkiyə prezidenti Rəcəb Tayyib Ərdoğan, onun məlumatına görə, 2026-cı ilin yazında Avropa Siyasi Birliyi sammitində iştirak etmək üçün Yerevana gələcəklər.
Bu barədə Babacanyan Ermənistan nəşri Civic.am-a müsahibəsində deyib.
Onun sözlərinə görə, tədbirə ABŞ-ın Prezidenti Donald Trampın dəvət olunması üçün də diplomatik səylər göstərilir.
Sammit Avropa Siyasi Birliyinə üzv ölkələrin dövlət və hökumət başçılarının görüşü formatında keçiriləcək və regional məsələlərin, təhlükəsizlik və iqtisadi əməkdaşlığın müzakirəsi üçün əsas platformalardan biri olacaq.
Babacanyan qeyd edib ki, Azərbaycan və Türkiyə liderlərinin tədbirdə iştirakı dialoqun möhkəmlənməsi və regionda sülh münasibətlərinin qurulması yolunda mühüm addım olacaq.
