Vaşinqtonda ABŞ-nin Dövlət katibi Marko Rubio ilə Ermənistanın Xarici İşlər naziri Ararat Mirzoyanın görüşü baş tutub. Danışıqların əvvəlində Rubio bəyanatla çıxış edərək, həm də TRIPP (Trade Route Innovation and Partnership Program) sazişinin həyata keçirilməsi çərçivəsindəki Birgə Bəyannaməyə istinad edib.
O, qeyd edib ki, imzalanacaq sənəd, bir tərəfdən Ermənistanın iqtisadi imkanlarını açan, iqtisadi rifah imkanı yaradan, digər tərəfdən Ermənistanın suverenliyinə töhfə verən və ona xələl gətirməyən bir razılaşmanın həyata keçirilməsinin əla nümunəsidir.
Ermənistanın suverenliyi ilə bağlı heç bir sual yoxdur, ona tam hörmətlə yanaşılır, demişdir. Rubionun sözlərinə görə, Ermənistan-ABŞ ikitərəfli münasibətləri də bu sazişlər vasitəsilə inkişaf etdiriləcək və gücləndiriləcək.
Amerika rəsmisi demişdir ki, bu, bütün dünya üçün bir model ola bilər: bir ölkənin suverenliyini və ərazi bütövlüyünü şübhə altına almadan iqtisadi fəaliyyət və rifah üçün açıq ola bilmək.
Marko Rubio qeyd edib ki, bu, Ermənistan üçün əla, Birləşmiş Ştatlar üçün əla, həmçinin iştirak edən bütün tərəflər üçün əla olardı.
Mətn factor.am-ə məxsusdur.
