Ermənistan Respublikasının Daxili İşlər naziri Arpine Sargsyan, Ermənistanda AB nümayəndə heyətinin rəhbəri, səfir Vasilis Maraqosun başçılıq etdiyi nümayəndə heyətini qəbul edib.
Verilən məlumata görə, Ermənistan Daxili İşlər nazirliyinin yaydığı açıqlamada qeyd olunur ki, Arpine Sargsyan AB ilə sıx əməkdaşlığı yüksək qiymətləndirib, birgə proqramların həyata keçirilməsini və konkret istiqamətlər üzrə əldə edilən nəticələri vacib sayıb.
Nazir, viza rejiminin liberallaşdırılması istiqamətində Ermənistan tərəfindən həyata keçirilən işləri təqdim edib və nəzərdə tutulan addımları ardıcıl olaraq davam etdirmək öhdəliyini bir daha təsdiqləyib.
Nazir Sargsyan, AB strukturları – Frontex və Europol ilə tərəfdaşlığa toxunaraq, onun möhkəmləndirilməsi baxımından Ermənistan tərəfindən Europol-da əlaqə zabitinin təyin edilməsini vacib sayıb.
Səfir Maraqos səmərəli əməkdaşlığa görə Daxili İşlər nazirinə təşəkkür edib, birgə əldə edilən görünən nəticələri vurğulayıb.
Görüşdə narkotik vasitələrin qanunsuz dövriyyəsinə qarşı mübarizə tədbirləri və tərəfdaşlığın genişləndirilməsi imkanları müzakirə edilib.
Görüş zamanı, yaxın günlərdə AB-nin Daxili İşlər və Miqrasiya üzrə komissarı Maqnus Brunnerin Ermənistana səfərinin təfərrüatları da müzakirə olunub ki, bu da əməkdaşlıqda yeni mərhələnin başlanğıcı olacaq.
