Ermənistanda doğum göstəriciləri azalmaqda davam edir

Ermənistan Respublikasının Əmək və Sosial Məsələlər naziri yanında İctimai Şuranın iclasında nazir Arsen Torosyan bildirib ki, 2025-ci ildə respublikada 32 min 42 doğum qeydə alınıb, bu göstərici 2024-cü ildə 33 min 593, 2023-cü ildə isə 36 min 590 olub.

Jurnalist onun bu sözlərindən sitat gətirir:

“Doğum səviyyəsinin azalması davam edir. Fertillik göstəricisi də, yəni reproduktiv yaşda olan bir qadına düşən doğulan uşaqların sayı da azalır.

 Dövlətin birbaşa dəyişdirə bilməyəcəyi amillər var, məsələn, nikah yaşı, lakin fertillik göstəricisi daha da azalarsa, bu, istənilən ölkə üçün ciddi problem olacaq”.

Torosyan vurğulayıb ki, yaranmış vəziyyətdən çıxmaq üçün ictimai təfəkkürü dəyişmək və dövlət dəstəyi proqramları vasitəsilə doğumun artımını stimullaşdırmaq lazımdır.