Beynəlxalq Qırmızı Xaç Komitəsinin nümayəndələri Bakıda saxlanılan bütün ermənilərə yenidən baş çəkiblər.
Bu barədə Beynəlxalq Qırmızı Xaç Komitəsinin (BQXK) Ermənistandakı nümayəndə heyətinin kommunikasiya proqramlarının rəhbəri Zara Amatuni “Armenpress”ə müsahibəsində bildirib.
“Fevralın son günlərində Beynəlxalq Qırmızı Xaç Komitəsinin nümayəndələri Bakıda saxlanılan və adları Azərbaycan hakimiyyəti tərəfindən təsdiqlənən bütün ermənilərə yenidən baş çəkiblər. Ənənəvi olaraq təkbətək söhbət formasında keçirilən görüşlər çərçivəsində onların hər birinə yaxınları ilə əlaqə saxlamaq imkanı yaradılıb”, – deyə Zara Amatuni bildirib.
Qeyd edək ki, Dağlıq Qarabağın keçmiş prezidentləri Arkadi Ğukasyan, Bako Sahakyan, Arayik Harutyunyan, həmçinin Dağlıq Qarabağın keçmiş dövlət naziri Ruben Vardanyan, Parlamentin spikeri Davit İşxanyan, Müdafiə Ordusunun keçmiş komandanı Levon Mnatsakanyan, keçmiş xarici işlər naziri Davit Babayan, MO nazirinin keçmiş müavini Davit Manukyan da Bakıda qanunsuz olaraq saxlanılan şəxslər arasındadır.
