Brüsseldə keçirilən sammitdə Avropa liderləri “Xarici təsirin şəffaflığı haqqında” mübahisəli qanunun qəbulu ilə Gürcüstanın Aİ-yə üzvlük yolunu kəsir, BBC xəbər verir.
Gürcüstanda qəbul edilən qanun Gürcüstana Aİ üzvlüyünə namizəd statusunun verilməsi ilə bağlı tövsiyədə qeyd olunan addımlardan geriyə addımdır.
“Avropa Şurası Gürcüstan hakimiyyətini Gürcüstanın Aİ yolunu təhdid edən, üzvlük prosesinin faktiki olaraq dayandırılmasına gətirib çıxaran hazırkı fəaliyyət kursunu dəyişdirərək öz niyyətlərini aydınlaşdırmağa çağırır”, – sammitin yekununda bildirilir.
Gürcüstan Aİ-yə namizəd ölkə statusunu dekabrda alıb.
Bununla belə, alyans gələn ay qüvvəyə minəcək Xarici Təsirdə Şəffaflıq Qanununu tənqid edib.
Buna əsasən, maliyyə vəsaitinin 20%-dən çoxunu xaricdən alan KİV və qeyri-hökumət təşkilatları “xarici güclərin maraqları naminə fəaliyyət göstərən təşkilatlar” kimi qeydiyyata alınmalı, ciddi yoxlamalardan keçməlidirlər, əks halda onları cərimə cəzası gözləyir.
Gürcüstan hökuməti iddia edir ki, qaydalar QHT-lərin maliyyələşdirilməsinin şəffaflığını təmin edəcək və Gürcüstanı kənar müdaxilələrdən qoruyacaq.
