Parux kəndi istiqamətində irəliləyişi “mövqelərin aydınlaşdırılması” kimi xarakterizə edən Bakı həmçinin bütün erməni hərbi birləşmələrinin Artsaxdan çıxarılmasını tələb edir.
Bu isə, Azərbaycanın Artsaxda etnik təmizləmə aparmaq, yerli əhalini oradan deportasiya etmək niyyətindən danışır. Bunu Arminfo-ya müsahibədə Ermənistan parlamentinin keçmiş deputatı, ekspert Tatevik Hayrapetyan deyib.
“Ermənilərin Artsaxdan çıxarılması Azərbaycanın 1990-cı illərdən əldə etməyə çalışdığı qədim məqsədidir. Bu gün də elə düşünürlər ki, Artsaxda erməni əhalisi qalmasa, rus sülhməramlılarının orada heç bir işi olmayacaq.
Beləliklə, Bakı həqiqətən də Artsax məsələsini belə bağlamağa ümid edir. Artsaxa qaz kəmərinin bağlanması, Artsax əhalisi üçün sosial-iqtisadi problemlərin yaradılması, hərbi təxribatlar, təcavüzün təzahürləri məhz bu məqsədlə şərtlənir. Bütün bu isə, Rusiya sülhməramlılarının mövcudluğuna baxmayaraq soydaşlarımızın özlərini təhlükəsiz hiss etməməsi məqsədi ilə edilir.
Ekspert həmçinin bildirib ki, Ukraynadakı vəziyyət martda Artsaxda baş verən hadisələrə təsir edib. Hayrapetyan əmindir ki, əgər Moskva həqiqətən də təkcə Artsaxda deyil, bütün Cənubi Qafqazda mövcudluğunu saxlamaqda maraqlıdırsa, Bakının təcavüz və ekspansiya cəhdlərinə dərhal cavab verməlidir.
Hayrapetyanın sözlərinə görə, Rusiya sülhməramlılarının iştirakı ilə Artsaxda vəziyyətin nizamlanması üzrə danışıqlar Moskva tərəfindən vəziyyətə aydın, məqsədyönlü qiymət verilmədiyinə görə nəticə vermir.
