Ermənistanda Rusiya Federasiyasının Cənub Hərbi Dairəsinin (SMD) hərbi bazasının xüsusi təyinatlı bölməsi ilə praktiki əks-terror əməliyyatları ilə planlı hərbi təlim keçirilib.
Bu barədə Cənub Hərbi Dairəsinin mətbuat xidməti məlumat yayıb.
Təlimdə şərti düşmənin təxribat-kəşfiyyat qrupu nəzarət-buraxılış məntəqəsini ələ keçirərək Gümri qarnizonunun hərbi yaşayış məntəqələrindən birinin ərazisinə soxulmağa cəhd göstərib.
Hərbçilər hücum cəhdi barədə həyəcan siqnalı alıb, antiterror qrupunun bölməsi hadisə yerinə gəlib və təlim tapşırığını yerinə yetirməyə başlayıb.
Qrup şərti düşmənin qüvvələrini mühasirəyə alaraq zərərsizləşdirib.
Tibbi mütəxəssislər yaralı hərbçiyə ilkin tibbi yardımın göstərilməsi, sonradan tibb müəssisəsinə köçürülməsi işlərini yerinə yetiriblər.
