Syunik bölgəsinin Teğ icmasında biz 11 km-dən 5 km-lik hissəsini problemli hesab etmişik və indi həmin hissə daha 1,4 km azalıb. Bunu Ermənistanın baş naziri Nikol Paşinyan Parlamentdə mətbuata açıqlamasında deyib.
“Bu o deməkdir ki, sərhəd müəyyən edilib, bu o deməkdir ki, həm bizim, həm də azərbaycanlıların bu məsələdə ümumi fikri var. Bu həm də o deməkdir ki, erməni sərhədçiləri həmin sərhəddən müəyyən məsafədə, azərbaycanlılar da müəyyən məsafədə yerləşdirilib”, – deyə Nikol Paşinyan bildirib.
“Qalan 3,6 km-lik hissə də müəyyən ediləcək. Amma digər tərəfdən, baş verənə qədər bunun baş verdiyini deyə bilmərik”, – deyə o bildirib.
