Müdafiə nazirliyi Ərazi Müdafiə Komandanlığının tətbiqi ilə bağlı qanunvericiliyə dəyişiklik təşəbbüsü ilə çıxış etmək niyyətindədir. Bu haqda ER Müdafiə naziri Suren Papikyan İctimai televiziyaya müsahibəsində deyib.
“Komandanlıqda ehtiyatda olan hərbçiləri öyrədəcək bir ordu zabiti də olacaq. Sonuncular da öz növbəsində kimin bilavasitə əmri altında və öz missiyasını harada yerinə yetirməli olduqlarını biləcəklər. Biz bu məsələdə hamı üçün bərabərlik və inklüzivliyi təmin etməliyik”- deyə o, bildirib.
Papikyan əlavə edib ki, layihə ilə bağlı narahatedici problemin olmadığını demək olmaz.
“Biz bu istiqamətdə işləyirik, hökumətin qərarlarında, qanunlarında dəyişikliklərə başlanılacaq. Hərbi xidmətə hazırlıq səviyyəsi aşağıdır:
Bir çox insanlar dairəvi yollardan istifadə edərək hərbi xidmətdən yayınmağa çalışırlar. Bununla bağlı bütün məsul qurumlara tapşırıqlar verilib.
Bizim qarşımızda səmərəliliyi yüksək səviyyədə saxlamaq vəzifəsi durur. Ötən illərdə biz işlər görmüşük və gələcəkdə də davam edəcəyik” – deyərək nazir əlavə edib.
