Nerkin Handda baş verənlər Azərbaycanın qeyri-konstruktiv siyasətinin növbəti təzahürüdür. ER Baş naziri Nikol Paşinyan hökumətin növbəti iclasında fevralın 13-də baş vermiş növbəti təxribata toxunub.
Paşinyanın sözlərinə görə, Azərbaycanın niyyətləri eynidir və bu, Ermənistana qarşı hərbi təzyiq siyasəti yürütməkdir.
“Bizim təəssüratımız ondan ibarətdir ki, Azərbaycan sərhəddə sabitliyin və təhlükəsizliyin təmin olunmasında heç bir maraq göstərmir. Hələ 2022-ci ildə razılıq əldə olunub ki, sərhəd təhlükəsizliyi məsələləri də sərhədlərin delimitasiyası məsələləri üzrə komissiyaların mandatına daxil edilsin.
Azərbaycan razılaşmalara zidd olaraq, təhlükəsizlik komponentini daxil etməyərək, yaratdığı komissiyanı Azərbaycanla Ermənistan arasında dövlət sərhədinin demarkasiyası üzrə komissiya adlandırıb. Bu və bir sıra digər hallar belə qənaətə gəlməyə imkan verir ki, Azərbaycan öz istədiyini edir və “Mənə danışıqlar yolu ilə verin, əks halda bunu müharibə ilə alacağam” siyasətini davam etdirir.
“Azərbaycan mütəmadi olaraq 4 kəndin ərazisi haqqında danışır, eyni zamanda Ermənistanın 31 anklav olmayan kəndinin Azərbaycanın işğalı altında olduğunu qəbul etməkdən imtina edir, yəni bu “4:31” anklav olmayan kəndlərə aiddir”, – deyə Paşinyan bildirib.
Onun sözlərinə görə, ER-nin mövqeyi konstruktivdir.
“Biz deyirik ki, qoşunların indiki mövqelərindən geri çəkilmələri üçün Ermənistan-Azərbaycan sərhədini xəritədə və yerdə əks etdirmək, hər iki ölkənin qoşunlarını həmin xəttə çıxarmaq lazımdır. Rəsmi Bakı bu vəziyyəti elə formalaşdırmağa çalışır ki, Azərbaycan qoşunları Ermənistan Respublikasının 31 kəndinin ərazisindən geri çəkilməsin”.
Baş nazir ER-nin prinsipləri artıq müəyyən edilmiş konkret həll yollarına getməyə hazır olduğunu bir daha təsdiqlədi.
“Azərbaycan konkret həll yollarına getməkdən yayınır, lokallaşma yolu ilə getməyə çalışır. Hətta biz razılaşırıq ki, sərhəd bölgəsini rayonlar üzrə ayıraq, sərhədi hər sektorda təkrar müəyyən edək, sonra isə bu sərhədə uyğun olaraq qoşunların uyğunlaşdırılmasını həyata keçirək və eksklav məsələlərini son mərhələyə buraxaq. Yəni iki variant var: ya bütün sərhədi demarkasiya edib onun icrasına keçək, ya da sərhədi hissələrə bölüb hissə-hissə demarkasiya ilə irəliləyəcəyik. Hər iki versiya bizim üçün məqbuldur. Azərbaycan isə görünür, bu variantdan da yayınır”, – Paşinyan bildirib.
