Avropa Birliyinə Ermənistan Respublikasının üzv olma prosesinin başlanması ilə bağlı qanun layihəsi Ermənistan Respublikasının parlamentinin 8-ci çağırış 9-cu sessiyasının 2025-ci il fevralın 11-də keçiriləcək növbəti iclaslarının gündəliyinə daxil edilib.
Müvafiq məlumat Ermənistan Respublikasının parlamentin rəsmi saytında “İclasların gündəliyi” bölməsində yerləşdirilib.
Qanunverici təşəbbüsün müəllifi kimi “Vətəndaş təşəbbüsü” ifadəsi qeyd edilib, təklif isə parlamentə Ermənistan Respublikasının hökuməti tərəfindən təqdim edilib ki, bu da qanun layihəsinin xülasə vərəqəsinin birinci sətirində təsdiqlənib.
Qeyd edək ki, təqdim olunan qanun layihəsinin başlanğıcını Ermənistanda fəaliyyət göstərən bir sıra Qərbyönlü qüvvələr verib.
