Baş nazirin müavini Tiqran Xaçatryan Fransaya işgüzar səfəri çərçivəsində Fransanın Sahibkarlar Hərəkatı (MEDEF) təşkilatının nümayəndələri ilə görüş keçirib.
Görüş iştirakçılarını salamlayan Tiqran Xaçatryan, Ermənistanın iqtisadi siyasətinin əsas prioritetlərinə və bu istiqamətlərdə əldə olunan göstəricilərə, eləcə də iqtisadiyyatın müxtəlif sahələrində baş verən inkişaflara ətraflı toxunub.
Bu kontekstdə Baş nazirin müavini Ermənistanın investisiya mühitinin davamlı yaxşılaşdırılması istiqamətində hökumət tərəfindən görülən işləri təqdim edib.
Ermənistan və Fransa arasında iqtisadi əməkdaşlığın davamlı inkişafının vacibliyini vurğulayan Tiqran Xaçatryan, həm Ermənistanın özəl sektoru, həm də dövlətin genişmiqyaslı proqramları çərçivəsində fransız şirkətlərinin fəal iştirakını prioritet hesab etdiyini bildirib.
Baş nazirin müavini əmin edib ki, hökumət iki ölkənin biznes dairələri arasında əlaqələrin möhkəmləndirilməsi, Ermənistanın investisiya mühitinin fransız şirkətləri üçün daha anlaşılan edilməsi istiqamətində ardıcıl səylər göstərir.
Görüşdə iştirak edən şirkət nümayəndələri öz fəaliyyət sahələrinə toxunaraq, Ermənistanda müxtəlif formatlarda investisiya təşəbbüslərinin həyata keçirilməsinə öz təcrübə və biliklərini sərf etməyə hazır olduqlarını bildiriblər.
Baş nazirin müavini təşkilat nümayəndələri tərəfindən qaldırılan bir sıra məsələlərə, eləcə də əməkdaşlığın konkret istiqamətləri ilə bağlı irəli sürülən təkliflərə ətraflı toxunub.
Qarşı tərəflər müzakirə olunan ideyaları daha geniş müstəvidə nəzərdən keçirmək üçün yaxın gələcəkdə fransız şirkətlərinin nümayəndələrindən ibarət bir missiyanın Ermənistana səfər etməsi barədə razılığa gəliblər.
