Paşinyan və Rubio Ermənistan-ABŞ strateji tərəfdaşlığı və regional gündəliyi müzakirə ediblər.
Baş nazir Nikol Paşinyan ABŞ dövlət katibi Marko Rubio ilə telefon danışığı aparıb.
Ermənistan Respublikasının Baş nazirinin iş heyətindən jurnalistə verilən məlumata görə, tərəflər Ermənistan-ABŞ strateji tərəfdaşlığı məsələlərini, eləcə də regional gündəliyi müzakirə ediblər.
Baş nazir dövlət katibinə danışıqlar prosesini təqdim edib, nəticədə “Ermənistan Respublikası ilə Azərbaycan Respublikası arasında sülh və dövlətlərarası münasibətlərin yaradılması haqqında” saziş layihəsi üzrə razılıq əldə olunub.
Baş nazir saziş layihəsinin imzalanmasını gözlədiyini vurğulayıb. Mənbənin sözlərinə görə, həmsöhbətlər yüksək səviyyəli Ermənistan-ABŞ təmaslarını davam etdirmək barədə razılığa gəliblər.
