İran nüvə fizikinin yerini söyləyən Mossad agentini edam edib

İran İsrailin kəşfiyyat xidməti Mossad ilə əməkdaşlıq edən və İsrailin zərbəsi nəticəsində öldürülən iranlı nüvə fizikinin yeri barədə məlumat verən vətəndaşlarından birini edam edib. 

“Armenpress” xəbər verir ki, bu barədə “Mehr” agentliyi İslam Respublikasının ədliyyə orqanlarına istinadən məlumat yayıb.

İsrail kəşfiyyatı ilə əməkdaşlıqda ittiham olunan şəxs dövlət təşkilatında çalışıb və məxfi məlumatlara çıxışı olub. O, internet vasitəsilə Mossad tərəfindən işə götürülüb və sonra Vyanada bir neçə dəfə Mossad agentləri ilə görüşüb.

Adam çalışdığı təşkilatın fəaliyyəti ilə bağlı agentlərə həftəlik məxfi hesabatlar göndərib və böyük mükafat alıb.