Türkiyə prezidenti Rəcəb Tayyib Ərdoğan Nazirlər Kabinetinin iclasından sonra bildirib ki, Ankara “bir millət, iki dövlət” prinsipinə əməl edərək Azərbaycana dəstəyini davam etdirəcək. O, Ankaranın Cənubi Qafqazda sabitliyin və iqtisadi inkişafın təmin edilməsinə sadiq olduğunu bir daha təsdiqləyib.
Ərdoğan Türkiyə Hərbi Hava Qüvvələrinə məxsus təyyarənin Gürcüstan ərazisində qəzaya uğramasına da toxunaraq, Gürcüstan və Azərbaycan hakimiyyətinin axtarış-xilasetmə əməliyyatlarında Türkiyə ilə sıx əməkdaşlıq etdiyini qeyd edib.
