Gürcüstan Prezidenti Mixeil Kavelaşvili Ermənistan Respublikası ilə münasibətləri nümunəvi hesab edir və bu kontekstdə iki xalqı birləşdirən ortaq dəyərlərin mövcudluğunu vurğulayır.
Alınan məlumata görə, Gürcüstan Prezidenti bu barədə Ermənistan Prezidenti Vahagn Xaçaturyanla Tbilisidə keçirilən birgə mətbuat konfransında danışıb.
Mixeil Kavelaşvili xüsusilə 2025-ci ilin Ermənistanla münasibətlərin inkişafı və dərinləşməsi baxımından məhsuldar olduğunu qeyd etdi.
O, həmçinin tarixi bir baxış keçirərək, əsrlər boyu Ermənistan və Gürcüstanın uyğun həyat tərzinə və əməkdaşlığa malik olduğunu vurğuladı.
“İki ölkə arasında qarşılıqlı hörmət, etimad və möhkəm dostluq əsasında qurulan çoxəsrlik münasibətlər təkcə coğrafi yaxınlıqla deyil, həm də xalqlarımızı birləşdirən ortaq dəyərlərlə şərtlənmişdir” – deyə Gürcüstan prezidenti qeyd edib.
“Ermənistan və Gürcüstan arasında ikitərəfli münasibətlər həqiqətən nümunəvidir. İki ölkə bir çox digər platformalarda da əməkdaşlıq edir.
Bu kontekstdə xüsusilə Ermənistan Respublikasının Gürcüstanın ərazi bütövlüyünə dəstəyi vacibdir və mən həm şəxsən, həm də gürcü xalqı adından Ermənistana təşəkkürümü bildirirəm” – deyə Mixeil Kavelaşvili qeyd edib.
Qeyd edək ki,ER Prezidenti 19-20 noyabr tarixlərində Gürcüstana rəsmi səfərlə gedib. Səfər çərçivəsində Ermənistan Prezidenti Gürcüstanın Baş naziri İrakli Kobaxidze və Parlament sədri Şalva Papuaşvili ilə də görüşəcək.
