Ermənistanı Azərbaycan və Türkiyə ilə birləşdirən dəmir yollarının bərpası ilə bağlı Rusiya tərəfi ilə danışıqları davam etdiririk. Bu barədə 3 fevralda jurnalistlərlə görüşdə Ermənistan Respublikasının ərazi idarəetmə və infrastruktur naziri Davit Xudatyan bildirib.
O, Ermənistan hakimiyyətinin anlayışına əsasən, qeyd olunan hissələrdə işlərin Rusiya tərəfindən görülməli olduğunu aydınlaşdırıb. Nazir əlavə edib ki, heç bir dəyişiklik yoxdur.
“Biz bu barədə yekun qərarın olacağını gözləyirik, amma hazırda qərarımız yoxdur”, – Xudatyan vurğulayıb. Nazir əlavə edib ki, Rusiya tərəfinin əvvəllər qeyd olunan hissələrdə aparılan işlərdə iştirak etmə ehtimalı yüksəkdir.
Bundan əvvəl Ermənistanın baş naziri Nikol Paşinyan Rusiyanı Yerasxdan Naxicevan sərhədinə, İcevandan Qazaxa (Azərbaycan), eləcə də Axurikdən Türkiyə sərhədinə qədər dəmir yolu hissələrini təcili olaraq bərpa etməyə çağırıb.
