Hollandiyada siyasi mühacirətdə olan azərbaycanlı hüquq müdafiəçisi və tarixçi Arif Yunus 2018-ci il yanvarın 20-də Azərbaycan internet televiziyası “Obyektiv TV”-yə verdiyi müsahibədə 1990-cı ilin yanvar ayında Bakıda baş verən erməni qırğınlarının hazırkı prezident İlham Əliyevin atası Heydər Əliyevin göstərişi ilə təşkil edildiyini bildirib.
Arif Yunusun məlumatına görə, Heydər Əliyevin Azərbaycanda erməni qırğınlarını təşkil etməkdə məqsədi hakimiyyəti qorumaq və siyasi karyerasını xilas etmək olub ki, bunun üçün o, milli-etnik qarşıdurma yaratmışdır.
“Yanvarın sonlarında Azərbaycan KP MK-nın plenumunun keçirilməsi planlaşdırılmışdı və həmin plenumda Heydər Əliyev və onun komandası partiya sıralarından xaric edilməli, bununla da ölkənin siyasi səhnəsindən uzaqlaşdırılmalı idi.
Təbii ki, Heydər Əliyev bütün bunlardan xəbərdar idi və respublikadakı adamları vasitəsilə genişmiqyaslı əks-fəaliyyət başlatmışdı.
Azərbaycan Xalq Cəbhəsində əsas rol Nemət Pənahlının idi. Onunla görüşlərdən birində Heydər Əliyev deyib: ‘Bizə böyük qan, çoxlu qan lazımdır.
Məhz Nemət Pənahlı 1989-cu il dekabrın 31-də Naxicevanda dövlət sərhədinin dağıdılmasını təşkil etdi, baxmayaraq ki, Moskva sərhədin açılmasına icazə verilməsini təsdiqləyən saziş imzalamışdı və DTK sərhədçilərinin atəş açmayacağına söz vermişdi.
Yanvarın əvvəlində isə Nemət Pənahlı erməni qırğınlarının təşkilatçısı oldu” — deyə Arif Yunus bildirib.
Arif Yunus həmçinin vurğulayıb ki, bu gün Azərbaycanda həmin tarixi hadisə təhrif olunmuş formada təqdim olunur və 20 yanvar, guya, qəhrəmanlıq mübarizəsinin şanlı bir səhifəsi və milli-demokratik hərəkatın bir hissəsi kimi qəbul edilir.
Bu hərəkat nəticəsində respublika müstəqillik qazanıb.
Əvvəllər RUSARMINFO xəbər verib ki, Bakıda hava limanında azərbaycanlı yazıçı Əkrəm Əylisli saxlanılıb. Milli Məclisin deputatları tərəfindən 1990-cı ildə Bakıda və 1919-cu ildə Naxicevanda baş vermiş erməni qırğınlarını təsvir edən “Daş yuxular” romanına görə ona ağır bədən xəsarətləri yetirmək hədəsi olunmuşdu.
