“The Insider”, iyunun 7-də Ermənistanda keçiriləcək parlament seçkilərində Rusiyanın mümkün təsiri, RF Prezidentinin administrasiyasında Ermənistan istiqamətində aparılan işlərin sistematik və Yerevana göndərilmiş məsul şəxslər haqqında geniş məqalə dərc edib. .
“Molodovada və Macarıstanda son uğursuzluqlardan sonra Kreml öz resurslarını iyunun 7-nə təyin edilmiş parlament seçkilərinin keçiriləcəyi Ermənistana yönəldib.
Kreml, hazırkı Baş nazir Nikol Paşinyanın “Mülki Müqavilə” partiyasının qələbəsinin qarşısını almağa ümid edir, belə ki, o, Avropa Birliyi və Birləşmiş Ştatlarla əlaqələri dərinləşdirməyə başlayıb.
“The Insider”, Rusiya Prezidentinin administrasiyasında erməni istiqamətini kimin əlaqələndirdiyini, Xarici Kəşfiyyat Xidmətinin (SVR), Baş Kəşfiyyat İdarəsinin (GRU) və Federal Təhlükəsizlik Xidmətinin (FSB) hansı zabitlərinin Yerevana göndərildiyini və erməni müxalifət namizədlərinin Rusiyanın xüsusi xidmət orqanları ilə necə əlaqəli olduğunu üzə çıxarıb” – bu müqəddimə ilə “The Insider” öz məqaləsinə başlayır.
KİV yazır ki, Paşinyana qarşı informasiya kampaniyasını 2025-ci ildə yaradılmış, Rusiya Prezidenti yanında Strateji Tərəfdaşlıq və Əməkdaşlıq məsələləri üzrə İdarə (Управление президента по стратегическому партнерству и сотрудничеству, УСПС) əlaqələndirir.
Bu idarəyə Rusiya Prezidenti administrasiyası rəhbərinin birinci müavini Sergey Kiriyenkonun himayədarı, “Rosatom”un keçmiş rəsmisi Vadim Titov rəhbərlik edir.
“Titovun bu vəzifədə fəaliyyətinin başlanğıcı xüsusilə uğurlu olmayıb. Macarıstanda seçkilər ərəfəsində o, öz köməkçisi, həmçinin “Rosatom”un rəsmisi Yeqor Kvyatkovski ilə birlikdə Budapeştə getmişdi, lakin kampaniya Viktor Orbanın sarsıdıcı məğlubiyyəti ilə başa çatmışdı.
İndi, Titovun özünü göstərmək üçün yeni imkanı va”” – deyə KİV yazır.
“The Insider”-ə görə, Rusiya Prezidentinin administrasiyasında Ermənistan istiqaməti üzrə birbaşa əlaqələndiricilər Strateji Tərəfdaşlıq və Əməkdaşlıq məsələləri üzrə Prezident İdarəsinin Regionlararası və Sosial-Mədəni Əlaqələrin İnkişafı Departamentinin rəhbəri Valeri Çernışov və onun müavini Dmitri Avanesovdur.
“Hər ikisi xüsusi xidmət orqanlarındandır. Abxaziyadakı rus hərbi bazasında xidmət etdikdən sonra Çernışov 2013-cü ildə hərbi kəşfiyyata dəvət edilib.
O, Şyolkovo rayonunun Zaqoryanski kəndində yerləşən 36360 saylı hərbi hissədə Baş Kəşfiyyat İdarəsinin zabitlərinin hazırlığı kurslarında diversiya işinin əsaslarını tədris edib.
Prezident administrasiyasında o, əvvəlcə Gürcüstan istiqaməti ilə məşğul olub, sonra Ermənistan istiqamətinə keçirilib” – deyərək KİV yazır.
Dmitri Avanesov Böyük Pyotr adına Raket Qoşunlarının Hərbi Akademiyasını bitirib və polkovnik rütbəsinə malikdir. 2012-ci ildə o, FSB-nin Moskva Yeni İnformasiya Texnologiyaları İnstitutunda “milli təhlükəsizlik vəziyyətinin qiymətləndirilməsi, təhlili və proqnozlaşdırılması sistemləri” proqramı üzrə təkmilləşdirmə keçib.
Hər ikisi dəfələrlə Yerevana səfər edib, burada Kremlin yerli müttəfiqləri ilə görüşlər keçiriblər.
“Rusiya Hökumətində Ermənistan istiqamətini baş nazir müavini Aleksey Overçuk əlaqələndirir. O, Ermənistanı, əgər Ermənistan AB və ABŞ ilə əlaqələri dərinləşdirməkdə davam etsə, ciddi iqtisadi problemlərlə həftəlik əsasda qorxudur” – deyə “The Insider” qeyd edir.
Sıranı davam etdirən KİV qeyd edir ki, Ermənistanda ən fəal qruplardan biri Kremlə uyğun rəvayətləri yayan Qorçakov İctimai Diplomatiyaya Dəstək Fondu, Rusiyanın Xarici Kəşfiyyat Xidmətinin kadr zabiti Vladislav Qasumyanovun rəhbərlik etdiyi Rabitənin İnkişafı Milli Tədqiqat İnstitutu, xarici kəşfiyyatla əlaqəli analitik mərkəz kimi Rusiya Strateji Aaraşdırmalar İnstitutu, həmçinin “Kreml tərəfindən maliyyələşdirilən çoxsaylı saxta siyasi analitiklər, ekspertlər, şuralar və təşkilatlar”dır.
“Paşinyana qarşı təbliğat kampaniyasının ön cəbhəsində çoxdan tanınan simalar, o cümlədən senatorlar Konstantin Kosaçov və Konstantin Zatulin dayanır.
Zatulin, tərkibində milyarder Samvel Karapetyanın – “Taşir Qrup” şirkətinin sahibinin də olduğu Rusiya-Ermənistan beynəlxalq “Lazarev Klubu”na rəhbərlik edir” –The Insider yazır.
Mətbu həmçinin Ermənistanda siyasi mübarizədə iştirak edən iki qüvvənin rəhbərlərinin – “Güclü Ermənistan” blokunun lideri Samvel Karapetyan və “Çiçəklənən Ermənistan” partiyasının sədri Qaqik Tsarukyanın Rusiya ilə hansı əlaqələri olduğunu da dərc edib.
