Helsinki Komissiyası Qarabağ münaqişəsinin nizamlanması ilə bağlı brifinq keçirəcək

Avropada ABŞ Təhlükəsizlik və əməkdaşlıq komissiyası, Helsinki komissiyası oktyabrın 18-də Qarabağ münaqişəsinin nizamlanmasıilə bağlı brifinq keçirəcək.
Brifinqin mövzusu “Dağlıq Qarabağ müharibəsinin qarşısının alınması: ABŞ-ın və ATƏT-ın rolu” olacaq.

Brifinqdə Minsk qrupununn amerikalı keçmiş həmsədrləri Keri Kavanon və Jeyms Uorlik, eləcə də tanınmış müstəqil ekspert Magdalena Grono iştirak edəcək. Onlar münaqişənin hazırkı vəziyyətini, Minsk qrupunun formatını və sabit sülh perspektivlərini dəyərləndirəcək.