MDB Təhlükəsizlik Şurası katiblərinin növbəti 7-ci iclasında iştirak etmək üçün Moskvada olan Ermənistan Milli Təhlükəsizlik Şurasının katibi Armen Qriqoryan Rusiya Federasiyası Təhlükəsizlik Şurasının katibi Nikolay Patruşevlə görüşdü.
ER Təhlükəsizlik Şurasından bildirildiyinə əsasən, iclasın əvvəlində katib Qriqoryan Ermənistan-Rusiya ikitərəfli münasibətlərinin müsbət dinamikasını vurğuladı, 2019-cu il ərzində intensiv ikitərəfli səfərlərə diqqət çəkdi və RF Təhlükəsizlik Şurası əməkdaşlarının çoxtərəfli əməkdaşlığın gücləndirilməsində təşkil etdiyi tədbirlərin roluna əhəmiyyət verdi.
Nikolay Patruşev katib Qriqoryanı 2020-ci ilin mayına planlaşdırılan Təhlükəsizlik məsələlərini koordinasiya edən yüksək səviyyəli rəsmilərin 11-ci iclasında iştirak etməyə dəvət etdi.
“KTMT və ŞƏT çərçivəsində əməkdaşlığın dərinləşdirilməsi imkanları müzakirə edildi. Ermənistan tərəfinin təşəbbüsü ilə hərbi sənaye sahəsində əməkdaşlıq planı, gündəliyi və ortaq istehsalın inkişafı üçün planlar və tədbirlər müzakirə edildi”- deyə mesajda qeyd edilir.
