ER Baş naziri Nikol Paşinyan əmindir ki, yolların qarşılıqlı açılması regional təhlükəsizliyə töhfə verəcək və müəyyən təminatlar verəcək.
ER Baş naziri Nikol Paşinyan ER parlamentində hökumətin sual-cavab sessiyası ərzində bəyan edib ki, “dəhliz” məntiqi və onun ətrafında gedən söhbətlər regionda düşmənçilik və gərgin atmosferi daha da dərinləşdirir.
“Məncə, biz noyabrın 9-da üçtərəfli bəyanatının 9-cu bəndində açıq şəkildə qeyd etmişik ki, bütün regional iqtisadi və nəqliyyat kommunikasiyaları açılmalıdır.
Biz bu fikri dəstəkləyirik – deyə Baş nazir bildirib.
Qeyd edək ki, Azərbaycan hər zaman “Zəngəzur dəhlizi” adlanan yerin açılmasından danışır. Yerevan bildirir ki, söhbət regionda bütün nəqliyyat marşrutlarının qarşılıqlı açılmasından gedir.
“Bu o deməkdir ki, vaxtilə mövcud olan dəmir yolları yenidən müəyyən qaydada fəaliyyətə başlamalı və region ölkələri üçün əlçatan olmalıdır. Hesab edirəm ki, hardasa bu, təhlükəsizlik komponentidir” – deyə Paşinyan vurğulayıb.
Paşinyanın sözlərinə görə, Yerevan regionda kommunikasiyanın blokunun açılması məsələsinə anlayışla yanaşır. O, əlavə edib ki, hazırda gələcək yükdaşıma marşrutları məsələsi müzakirə olunur.