Niderlandlar Krallığının Azərbaycandakı səfirinin iyul ayında Şuşi şəhərinə səfəri heç bir halda onun ölkəsinin Şuşi və ya Dağlıq Qarabağdakı mövcud vəziyyəti qanuniləşdirməsi və ya tanıması demək deyil.
Bu haqda Niderlandlar Krallığının Ermənistandakı fövqəladə və səlahiyyətli səfiri Niko Skermers Ermənistan Beynəlxalq Təhlükəsizlik məsələləri üzrə İnstitutunun təhlükəsizlik forumunda müzakirə iştirakçılarından birinin sualını cavablandırarkən qeyd edib.
Forumda iştirak edən tələbələrdən biri xatırladıb ki, aylar əvvəl, iyulun 9-10-da Bakıda akkreditə olunmuş 46 ölkə səfirləri və diplomatik korpus nümayəndələrinin Azərbaycan silahlı qüvvələri tərəfindən işğal olunmuş Şuşi şəhərinə səfərini təşkil etməklə Azərbaycan prezidenti İlham Əliyev açıq-aydın beynəlxalq hüquqi diplomatiyanı sınadı.
Bununla bağlı tələbə “Sizcə Hollandiya səfirinin Şuşiyə səfəri dolayısı ilə Azərbaycanın beynəlxalq hüquq normalarını pozmasını qanuniləşdirmirmi?” sualını verib.
Cavabında səfir qeyd edib ki, Hollandiya hökuməti yerlərdə vəziyyətlə bağlı təsəvvür əldə etmək üçün Şuşiyə səfərə razılıq vermək qərarına gəlib.
“Bakıdakı istənilən səfir İrəvanda akkreditə olunmuş səfirdən fərqli olaraq Dağlıq Qarabağda da akkreditə olunub. Bu da öz növbəsində o deməkdir ki, Bakıdakı həmkarım Şuşaya və ya başqa yerlərə gedə bilər.
Aydındır ki, biz bunu çox diqqətlə edirik. Biz də Hollandiya hökuməti qərara gəldi ki, Şuşiyə bu səfər baş tutsun ki, biz Şuşidəki vəziyyət haqqında təsəvvür əldə edək.
Bu, bizim bunu tez-tez edəcəyimiz və ya asanlıqla edəcəyimiz demək deyil. Vurğulamaq istəyirəm ki, bu, Şuşi və ya Dağlıq Qarabağdakı mövcud vəziyyəti legitimləşdirmək və ya tanımaq demək deyil” – deyərək Niderlanların ER səfiri cavab verib.
2021-ci il iyulun 9-10 –da Azərbaycanda akkreditə olunmuş 46 diplomatik korpusun səfirləri və nümayəndələri Azərbaycan hakimiyyətinin dəvəti ilə Artsax Respublikasının Azərbaycan tərəfindən işğal olunmuş ərazilərinə, o cümlədən Artsaxın mədəniyyət paytaxtı Şuşiyə səfər ediblər.
ATƏT-in Minsk Qrupunun həmsədr dövlətləri olan Rusiya, Fransa və ABŞ-ın səfirləri isə Əliyevin dəvətini rədd ediblər. Azərbaycan mediası həmsədrlərin bu addımını Əliyevə qarşı “demarş” kimi qiymətləndirib.
Şuşiyə səfər edən səfirlər arasında Türkiyə, İtaliya, Avstriya, Hollandiya, İsveç, İsrail, Çin, Yaponiya, Belarus və Ukrayna səfirləri də olub. Azərbaycanda akkreditə olunmuş diplomatların Şuşiyə səfəri Azərbaycan prezidenti İlham Əliyevin şəxsi tapşırığına əsasən təşkil olunub.
