Aprelin 27-də Ermənistanın Müdafiə naziri Suren Papikyan Silahlı qüvvələrin təlim keçirilən hərbi hissələrindən birinə işgüzar səfər edib.
Suren Papikyan hərbi hissənin ərazisini, tədris korpusunu gəzib, çağırışçılarla söhbət edib, təlimin gedişini izləyib. Hərbi hissənin komandiri, polkovnik Davit Aleksanyan Müdafiə nazirliyinin rəhbərinə hərbi hissənin strukturunu və funksiyalarını təqdim edib.
Həmin gün ER Müdafiə naziri Suren Papikyan da “Baqramyan” hərbi məktəbinə baş çəkib, yerli hərbi sənaye müəssisələrindən birinin layihələndirdiyi pilotsuz təyyarələrin sınaqlarını izləyib.
