Ermənistan və Fransa Şarl Aznavurun 100 illik yubileyinə hazırlaşır

Ermənistan Respublikasının təhsil, elm, mədəniyyət və idman nazirinin müavini Artur Martirosyan “Aznavur” fondunun nümayəndələrini qəbul etdi.

Fondun direktoru Kristina Aznavur bildirdi ki, Fransa tərəfi hazırlıq mərhələsindədir. 2024-cü ilə qədər Fransada Şarl Aznavurun heykəli qoyulacaq, genişmiqyaslı konsertin keçirilməsi, Aznavurun həyatına həsr olunmuş sərginin açılması planlaşdırılır.

Aznavurun heykəlinin Ermənistanda ucaldılması məsələsi Yerevan bələdiyyəsi ilə müzakirə olunur. “Aznavur” Fondunun direktoru heykəlin qoyulması da daxil olmaqla, bütün tədbirlərin Fransa ilə paralel keçirilməsini təklif edib.

Ermənistan Respublikasının təhsil, elm, mədəniyyət və idman nazirinin müavini Artur Martirosyan qeyd etdi ki, Ermənistan tərəfi tədbirlər proqramının həyata keçirilməsində fondla məmnuniyyətlə əməkdaşlıq edəcək.

“Məqsədimiz böyük potensiala malik uşaqların dünya səhnələrinə yol açmaq, onların istedadının inkişafına töhfə verməkdir”, – deyə fondun direktoru Kristina Aznavur bildirib.

Nazir müavini Artur Martirosyan əsas məqsədi mədəniyyət müəssisələrinin və ayrı-ayrı rəssamların bacarıqlarının inkişaf etdirilməsi olan “Katapulta”, “Yaradıcı Avropa”, “ArtNexus” proqramlarında əməkdaşlıq etməyi təklif edib.