Baş nazir Nikol Paşinyan Beynəlxalq Atom Enerjisi Agentliyinin (MAQATE) baş direktoru Rafael Mariano Qrossini qəbul edib.
Baş nazir MAQATE-nin baş direktorunun Ermənistana səfərini alqışlayıb və qeyd edib ki, Ermənistan ER hökuməti ilə MAQATE arasında əməkdaşlığı yüksək qiymətləndirir. Bu, Ermənistanın enerji və nüvə təhlükəsizliyinin təmin edilməsi və onun inkişafı baxımından vacibdir.
MAQATE-nin baş direktoru da nüvə təhlükəsizliyi sahəsində ikitərəfli əməkdaşlığın vacibliyini vurğulayıb.
Görüş zamanı tərəflər Ermənistanın AES-də təhlükəsizlik səviyyəsinin artırılması istiqamətində görülən işlərə toxunub, Ermənistan və MAQATE arasında əməkdaşlığın dərinləşdirilməsi imkanları barədə fikir mübadiləsi aparıblar.
