Mövcud şərait Ermənistan və Azərbaycan arasında sülh sazişinin bağlanmasının yaxın gələcəkdə mümkün olduğunu gözləməyə imkan verir, lakin əsas məsələ zaman deyil, bütün məsələlərin yekun həllidir. “Armenpress”in TASS-a istinadən verdiyi məlumata görə, bu barədə jurnalistlərə Rusiya prezidentinin mətbuat katibi Dmitri Peskov bildirib.
Peskov qeyd edib ki, Ermənistan, Rusiya və Azərbaycan nümayəndələri gələn həftənin sonunda Moskvada görüşərək tərəflər arasında problemləri müzakirə edəcəklər.
“Hər şeyi yekunlaşdırmaq problemi yoxdur, çünki vacib olan, istənilən halda, yekun nəticədir, qaçan yerimiz yoxdur”, – Peskov bildirib.
“Məhz bu mülahizələri əsas götürərək hazırda heç kim sülh müqaviləsinin yekun tarixini proqnozlaşdıra bilməz. Lakin dünənki görüşdə də deyildiyi kimi, vəziyyət xeyli və faktiki olaraq konseptual şəkildə dəyişib. Bütün bu hallar yaxın gələcəkdə sülh müqaviləsi imzalamağa imkan verir”, – Rusiya Prezidentinin mətbuat katibi söyləyib.
