ER hökuməti və biz öz siyasi komandamızla Ermənistanı yaşamaq, işləmək və yaratmaq üçün cəlbedici mühitə çevirmək üçün hər şeyi edirik.
Bunu İqtisadiyyat naziri Vaan Kerobyan “NEWS.am”-a müsahibəsində deyib.
“Məhz həmin mühitdə görülən işlərin nəticəsidir ki, Rusiyanı tərk etməli olan insanlar Ermənistanı seçiblər. Onlar, deyək ki, Azərbaycana, bir çox başqa ölkələrə getməyiblər.
Bizim addımlarımız dünyaya Ermənistanın İT-lə məşğul olmaq üçün yaxşı yer olduğunu göstərmək məqsədi daşıyır”,- Kerobyan deyib.
O qeyd edib ki, 2024-cü ildə hökumət 7 faiz iqtisadi artım proqnozlaşdırdı. Çağırışlar var, amma çoxlu imkanlar da var.
“Onları düzgün həyata keçirsək, hədəfimizə çatacağıq”.
