ABŞ Ermənistan və Azərbaycan arasında davamlı sülhün mümkünlüyünə inanmaqda davam edir. Bu barədə ABŞ Dövlət Departamentinin mətbuat katibinin birinci müavini Vedant Patel Dövlət Departamentinin Qafqaz danışıqları üzrə baş müşaviri Lui Bononun Cənubi Qafqaza səfəri nəticəsində tərəflər arasında sülh prosesində əldə olunan irəliləyişlə bağlı suala cavab olaraq bildirdi.
“Biz Ermənistan və Azərbaycan arasında sabit sülhün mümkün olduğuna inanmaqda davam edirik. Bu, Departamentin üzərində işləməyə davam edəcək bir şeydir. Lui Bono, dövlət katibi və başqaları bu işdə fəal iştirak etməkdə davam edirlər”.
Lui Bononun yanvarın 8-də Yerevana səfəri zamanı Ermənistan-Azərbaycan münasibətlərinin nizamlanması məsələləri müzakirə olunub.
