2022-ci ilin sentyabr hadisələrindən sonra bizə aydın oldu ki, bazarlar və imkanlar bizim üzümüzə bağlıdır. Eyni zamanda, Ermənistan Silahlı qüvvələri ayağa qalxa bilmədi və biz silah alışını diversifikasiya etmək vəzifəsini öz üzərimizə götürdük. Bu barədə ER Müdafiə naziri Suren Papikian İctimai televiziyaya verdiyi müsahibəsində bildirib.
“Biz bu istiqamətdə ciddi irəliləyiş əldə etmişik. Bu proses sözün müsbət mənasında dönməzdir. Mövcud proseslər və müqavilələr gələcəkdə bizim ordunun silahlarının keyfiyyətini əhəmiyyətli dərəcədə dəyişəcək.
Silah əldə etmək həm də yeni kadrların hazırlanmasını tələb edir, yeni silah növləri dil bilikləri, uyğunlaşma qabiliyyəti tələb edir və ordumuz bu istiqamətdə irəliləyir.
Bu, olduqca çətin, lakin vacibdir. Söhbət alınmış silahlardan gedir. Bu prosesdə biz həm də böyük fövqəldövlətlər və digər dost ölkələr səviyyəsində yeni tərəfdaşlar qazanmışıq. Söz Fransa və Hindistandan gedir, hələlik danışmaq istəmədiyim digər tərəfdaşlardan da danışırıq”.
Onun sözlərinə görə, kadrların hazırlanması və təlimlərin keçirilməsi, o cümlədən digər tərəfdaşlarla birgə Ermənistan üçün də vacibdir.
