Ermənistan özünün “Sülhün kəsişməsi” təşəbbüsünü Aİ-nin Qlobal Gateway strategiyasına inteqrasiya etməyə çalışır.
“Armenpress”in məlumatına görə, bunu AŞPA-da ER-nin Parlamentinin “Mülki müqaviləsi” fraksiyasının deputatı Hripsime Qriqoryan deyib.
Deputat ilk olaraq aprelin 5-də Ermənistanın baş naziri, Aİ Komissiyasının sədri və ali nümayəndəsi, ABŞ dövlət katibinin Brüssel görüşündən danışıb və bunu Ermənistan üçün çox mühüm hadisə adlandırıb.
“İclasın gündəliyi və məqsədi ötən il Qranadada Ermənistanın baş naziri və Aİ Komissiyasının sədrinin Avropa Siyasi Birliyinin tədbiri çərçivəsində keçirilən görüşü zamanı müəyyən edilib. Aİ və ABŞ-ın Ermənistanın iqtisadi dayanıqlığına, şaxələndirilməsinə və ticarət tərəfdaşlıqlarının gücləndirilməsinə birgə dəstəyi açıqlanıb. Lakin bundan da artıq tədbirin özü formatı və siyasi mesajı baxımından misilsiz idi”, – Qriqoryan bildirib.
Deputat daha sonra Ali Nümayəndə Cozef Borelin sözlərindən sitat gətirib. “Biz inanırıq ki, daha güclü və daha sabit Ermənistan daha güclü və daha sabit Cənubi Qafqaz deməkdir”.
Qriqoryan AŞPA-da dövlət katibi Blinkendən sitat gətirib: “Biz erməni xalqının gələcəyi ilə bağlı baxışları bölüşürük, Ermənistanın qonşuları ilə sülh şəraitində, region və dünya ilə münasibətdə güclü, müstəqil dövlət kimi öz yerini tutmasını istəyirik”.
O vurğulayıb ki, bu qətnamələr Ermənistanın demokratik tərəfdaş kimi göründüyü Cənubi Qafqaz regionunda Ermənistan, Aİ və ABŞ-ın baxışlarının uyğunluğunu ən yaxşı şəkildə əks etdirir, onun suverenliyini və möhkəmliyini dəstəkləmək gündəmdədir.
“Bizim üçün Ermənistanın təqdim etdiyi və qonşu ölkələrlə, eləcə də daha geniş regionla ünsiyyət və dialoqu təşviq etmək məqsədi daşıyan “Sülhün kəsişməsi” təşəbbüsünün dəstəklənməsi vacibdir. Biz öz təşəbbüsümüzü Aİ Qlobal Gateways strategiyasına inteqrasiya etməyə çalışırıq”, – deyə Hripsime Qriqoryan bildirib.
O xatırladıb ki, Aİ Komissiyasının prezidenti Aİ-nin transsərhəd daşımaları araşdıracağına dair öhdəlik götürüb və ABŞ dövlət katibi ABŞ-ın Ermənistanın təklif etdiyi “Sülhün kəsişməsi” təşəbbüsünün mahiyyətini təşkil edən ideyaları dəstəklədiyini bəyan edib.”
“Yuxarıda qeyd olunanlar, xüsusilə Ermənistanla Azərbaycan arasında münasibətlərin normallaşması prosesinin davam etdiyi indiki dövrdə Ermənistan və regionumuz üçün xüsusi əhəmiyyət kəsb edir. Bununla belə, qeyd etməliyəm ki, danışıqlar ləng gedir, çünki Azərbaycanın siyasi iradəsi yoxdur”, – deyə deputat bildirib.
O qeyd edib ki, Azərbaycan aprelin 5-də Brüsseldə keçirilən görüşü kəskin tənqid edir və onu “qeyri-inklüziv” adlandırır. Reallıq budur ki, bu hekayədə qeyri-inklüzivliyə töhfə verən bir tərəf varsa, o da ötən ilin oktyabrında Qranadada keçirilən beştərəfli danışıqlarda iştirakdan imtina edən, AŞPA-nın prezident seçkiləri üçün Azərbaycana gələn müşahidə missiyasını rədd edən Azərbaycandır”.
Deputat bir daha təsdiq edib ki, Ermənistan Azərbaycanla sülh gündəliyinin təşviqi və münasibətlərin tənzimlənməsi mövqeyində möhkəm dayanmaqda davam edir.
Deputat Brüssel görüşünün yekun bəyanatının bir hissəsindən sitat gətirib: “Tərəfdaşlıq münasibətlərini inkişaf etdirən və sərbəst şəkildə öz yolunu çəkən çiçəklənən, suveren və demokratik Ermənistan regional sabitliyə töhfə verəcək”.
Sonra əlavə edib: “Ermənistan demokratiyasına Avropa və Aİ-nin bizimlə çiyin-çiyinə durması lazımdır. Gəlin əməkdaşlığımızı yeni üfüqlərə aparaq”.
