ER Parlamentinin sədri Alen Simonyan ABŞ dövlət katibi Marko Rubionun Ermənistan-Azərbaycan sərhədində gərginliyin yeni mərhələsi və ya eskalasiya riskinin olması ilə bağlı narahatlığını bölüşmür.
“Armenpress”in məlumatına görə, mayın 27-də Parlamentdə keçirdiyi brifinqdə o, belə bir məlumata malik olmadığını bildirib. Jurnalistin “ABŞ dövlət katibi hansı təhlükəni görür və Azərbaycanın bəyanatlarının bu cür qiymətləndirmələrə əsas olub-olmaması” sualına Simonyan belə cavab verib: “Məndə belə məlumat yoxdur. Müdafiə Nazirliyinə sorğu göndərə bilərsiniz ki, bu cür tendensiyalar və ya yerdəyişmələr olub, yoxsa yox, amma siyasi baxımdan mən hazırda belə bir şey görmürəm”.
“Azərbaycan prezidentinin Ermənistanı “Qərbi Azərbaycan” adlandırması belə narahatlıqlar üçün əsas ola bilərmi sualına” Simonyan belə cavab verib: “Qarabağ nümayəndələri özlərinə yeni Parlamentin sədri seçəndə, sonra bəzi bəyanatlar verəndə biz də ərazi tələbləri irəli sürmürük? Biz bunu hiss etmirik, lakin Azərbaycanın buna cavab addımlarını müşahidə edirik”.
