Yelisey sarayında Ermənistanın baş naziri Nikol Paşinyanın Fransa Prezidenti Emmanuel Makronla ayrı söhbəti keçirilib. Bu barədə Ermənistan hökumətindən məlumat verilir.
Baş nazir Emmanuel Makronu Fransanın milli bayramı münasibətilə səmimi təbrik edib və dost Fransa xalqına rifah və tərəqqi arzulayıb.
Fransa Prezidenti isə təbriklər üçün təşəkkürünü bildirib və Ermənistanla çoxşaxəli əməkdaşlığı inkişaf etdirmək və dərinləşdirmək öhdəliyini vurğulayıb.
Tərəflər Ermənistan-Fransa münasibətlərinin gündəliyində duran bir sıra məsələləri, o cümlədən birgə layihələrin gedişatını müzakirə ediblər.
Baş nazir Paşinyan Brüsseldə bu gün keçirilən müzakirələrə toxunaraq, Ermənistan hökumətinin Avropa Birliyi ilə əməkdaşlığı dərinləşdirmək məqsədini qeyd edib.
Regional əhəmiyyətli məsələlər barədə də fikir mübadiləsi aparılıb.
