Ermənistan İsrailin Dohada yaşayış məntəqələrini hədəf almasından narahatlığını bildirib və tərəfləri təmkinli olmağa çağırıb.
Bu barədə Ermənistan Xarici İşlər Nazirliyi məlumat yayıb. “Ermənistan Dohada yaşayış məntəqələrinin hədəfə alınmasından dərin narahatdır və regionda təhlükəsizlik vəziyyətinin daha da gərginləşməsinin qarşısını almaq üçün bütün iştirakçı tərəfləri təmkinli olmağa çağırır”, – deyə bəyanatda bildirilir.
İsrailin Qətərin paytaxtı Dohaya endirdiyi zərbə nəticəsində Fələstinin HƏMAS hərəkatının lideri Xəlil əl-Həyya və rəhbərliyin daha üç üzvü həlak olub. Qətər HƏMAS-ın siyasi qərargahına edilən zərbəni pisləyib. Qətərin xarici işlər naziri Məcid əl-Ənsari zərbəni beynəlxalq hüquq və normaların kobud şəkildə pozulması adlandırıb.
