Parlamentin sədri Alen Simonyan “Factor TV” kanalına müsahibəsində bildirib ki, Rusiyanın “TRIPP” proqramına qoşulmasını ehtimal hesab etmir və bunun “Ermənistan-Amerika təşkilatı” olduğunu vurğulayıb.
“Əvvəla, TRIPP Ermənistan-Amerika təşkilatıdır. Əgər biz bənzər bir marşrut və ya yol açmaqdan danışırıqsa, məncə, bu ayrı bir təşəbbüs olmalıdır.
Amma TRIPP çərçivəsində bunu bir qədər absurd hesab edirəm, çünki bu, TRIPP-in işləməməsi üçün hər şeyi etmək deməkdir” – deyə o, qeyd edib.
Rusiyanın marağına toxunanda Simonyan qeyd edib ki, “bu normaldır, böyük dövlətin iş üslubudur” və heç bir qeyri-adi məna daşımır. “Hər kəs ətraf ölkələrdə nüfuz qazanmaqla maraqlanır”.
Ermənistan-Azərbaycan münasibətlərindən danışarkən Parlament sədri bildirib ki, “müharibə səhifəsi bağlanıb” və sülh gündəmi cəmiyyət tərəfindən qəbul edilib.
Onun fikrincə, bu yanaşma “2026-cı il seçkilərində bir daha təsdiqlənəcəkdir”.
Müsahibə zamanı Alen Simonyan parlamentin fəaliyyətinə, hökumətin bəzi vədlərini yerinə yetirməməsinə və müxalifətlə münasibətlərə də toxunub.
