Azərbaycanda Xəzər dənizi sahilində quşların kütləvi şəkildə ölməsi qeydə alınıb. Xaçmaz rayonunun Niyazabad kəndi yaxınlığında, eləcə də Bakı və Abşeronun çimərliklərində minlərlə mayquş (qaqara) cinsindən olan quşların leşləri sahil boyu tapılıb.
Yerli sakinlərin dediyinə görə, quşlar sahilə təxminən üç həftədir görünür. Bu barədə OC Media məlumat yayıb.
Şahidlər bildirib ki, quşların bir hissəsi əvvəlcə canlı olub, lakin qeyri-adi davranış nümayiş etdirib: hərəkətsiz dayanıb, insanlara reaksiya verməyib və suda öz-özünə qala bilməyib.
Ölü quşların leşləri sahil boyu 5-6 kilometr ərzində dağılıb.
Ekoloji təşkilat olan “Ecofront” yoluxucu xəstəliyin yayılma ehtimalını istisna etmir və vətəndaşları bu kimi halları dövlət orqanlarına məlumat verməyə çağırıb.
Azərbaycanın Ekologiya və Təbii Sərvətlər nazirliyi və Ərzaq Təhlükəsizliyi agentliyi artıq araşdırma aparır: hadisə yerindən laboratoriya analizi üçün nümunələr götürülüb.
İlkin məlumata görə, Bakı yaxınlığında tapılan quşlarda patoloji dəyişikliklər aşkar edilməyib. Xaçmaz rayonu üzrə nəticələr isə hələ gözlənilir.
