Ümumi dəyəri 143 milyon avro olan AB dəstəyinin göstərilməsi nəzərdə tutulur.
Hökumət “Ermənistan Respublikası ilə Avropa Komissiyası arasında “Çoxsahəli büdcə dəstəyi sazişi” üzrə maliyyələşdirmə razılaşmasının təsdiq edilməsi haqqında” Ermənistan Respublikası prezidentinin sərəncamı layihəsini təsdiqləyib.
Razılaşma çərçivəsində 2026–2028-ci illər ərzində Ermənistanın inkişafına yönəldiləcək ümumi dəyəri 143 milyon avro olan AB dəstəyi nəzərdə tutulur.
Maliyyə paketi iki hissədən ibarətdir: 90 milyon avro birbaşa büdcə dəstəyi və 53 milyon avro institusional potensialın gücləndirilməsi üçün texniki yardım.
Vəsaitlər yalnız qrant şəklində təqdim olunur. Dəstəyin əsas istiqamətləri isə bunlardır: dövlət maliyyəsinin idarə olunması, ixracın diversifikasiyası, viza liberallaşdırılması üzrə dialoq, hüququn aliliyi, eləcə də məşğulluq və sosial inklüzivlik sahələri.
Hər il üzrə maliyyələşdirmə payının ayrılması müəyyən edilmiş 34 hədəf tədbirin keyfiyyətli və vaxtında icrası ilə birbaşa bağlı olacaq.
