Dünya nə baş verdiyini bilməlidir: Brayan Mey Azərbaycanın Ermənistana qarşı törətdiyi hücumdan danışıb
Əfsanəvi Queen qrupunun gitaraçısı, britaniyalı musiqiçi Brayan Mey Azərbaycanın Ermənistana qarşı törətdiyi son hücumlara reaksiya verib.
“Mən burada susqunluğumu pozuram, çünki görünür, yeni faciə baş verir və həmişə olduğu kimi bu günlərdə də media bu barədə həqiqəti əks etdirməyəcək”.
May İnstaqram səhifəsində Ermənistanın neft və qaz ehtiyatları olmayan kiçik bir ölkə olduğunu, diktatura ölkələrinin əhatəsində olan xristianlıq və demokratiya adası olduğunu vurğulayıb. O qeyd edib ki, Ermənistan faciəli tarixinə görə dünyanın ən sülhsevər ölkələrindən biridir.
“Birinci Dünya Müharibəsi zamanı Osmanlı İmperiyasında 1 milyon 200 min erməni qətlə yetirildi, bu vəhşi etnik təmizləmə aktı Türkiyə tərəfindən hələ də inkar edilir. Bu gün Ermənistan yenidən təhdid altındadır, bu ölkəni dünyanın simasından silmək məqsədi daşıyan sui-qəsddir. İki gün əvvəl Ermənistanla sərhəddə yerləşən dinc kəndlərin Azərbaycan tərəfindən atəşə tutulması, erməni xalqını terror etmək və sabitliyi pozmaq məqsədi daşıyan hücumdur”,-deyə Mey qeyd edib ki, Ermənistan diktaturalara qarşı tək qalıb və Qərbin hərtərəfli dəstəyinə ehtiyacı var.
