Rusiya Xarici İşlər Nazirliyi Azərbaycanla Ermənistan arasında ilk sərhəd dirəyinin quraşdırılmasına münasibət bildirib.
Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə ölkəsinin Azərbaycanla Ermənistan arasında dövlət sərhədinin delimitasiyası daxil olmaqla, bütün məsələlərin istisnasız olaraq siyasi-diplomatik metodlarla nizamlanmasını dəstəklədiyini vurğulayıb.
“O mövqedən çıxış edirik ki, razılaşmalar dayanıqlı, balanslaşdırılmış və qarşılıqlı məqbul xarakteri daşımalıdır. Onlar regionda davamlı sülhə nail olunmasına xidmət etməlidir. Biz tərəflərə bundan sonra da delimitasiya ilə bağlı üçtərəfli razılaşmalar əsasında məsləhətçi yardımı göstərməyə hazır olduğumuzu təsdiqləyirik”, – Rusiya XİN sözçüsü qeyd edib.
